Në prangat e Policisë së Fierit ka rënë një 33-vjeçar, i cili u kap në flagrancë duke transportuar dy mina me telekomandë, të cilat ishin gati për të shpërthyer. Bëhet me dije se shtetasi Elton Jata, i cili ishte banues në Pezë, Tiranë u kap në vendin e quajtur “Vija e Ngjalës” në kuadër të operacionit të koduar “Porosia”. Në cilësinë e provës materiale janë sekuestruar dy mina me telekomandë.
Shërbimet e policisë në mjetin tip “Benz” me të cilin ky shtetas udhëtonte, gjetën 2 elektrodetonatorë të montuar në brendësi të lëndës plasëse të lidhur me celularë, të gatshme për shpërthim të kontrolluar, të cilat u sekuestruan në cilësinë e provës materiale.
Blutë bëjnë me dije se vijon puna për identifikimin e personave të tjerë të përfshirë në këtë veprimtari kriminale, ndërsa i riu tashmë akuzohet për trafikim të lëndëve plasëse, djegëse, helmuese dhe radioaktive.
Njoftimi i policisës:
Në vijim të punës për parandalimin dhe goditjen e rasteve të trafikimit të armëve të zjarrit e lëndëve plasëse, bazuar dhe në informacionet e marra në rrugë policore, specialistët e Seksionit për Hetimin e Narkotikëve dhe Trafiqeve të Paligjshme në DVP Fier, në bashkëpunim me forcën e posaçme “Shqiponjat”, finalizuan me sukses operacion policor të koduar “Porosia”, si rezultat i të cilit u bë e mundur kapja dhe arrestimi në flagrancë i shtetasit:
E. J., 33 vjeç, banues në Pezë, Tiranë.
Urdhërvrasja 5 milionë euro për kokën e Gilmando Danit: dalin detaje të reja nga atentati në Rinas
Detaje të reja janë zbuluar për atentatin e 11 nëntorit në Rinas, ku u qëllua me breshëri armësh ndaj makinës...
