Prej më shumë se dy javësh, plot 31 qytete në të gjithë vendin, nuk kanë asnjë rast me Covid. Ndër qytetet e pastra, janë kryesisht ato në veri, Peshkopia dhe Kukësi. Ndërsa në jug, janë Tepelena e Himara. Specialisti i ISHP Artan Simaku, thotë për “ABC” se infektimet po ndodhin më së shumti tek grupmoshat 44-54 vjeç.
“Aktualisht janë 31 bashki që për një periudhë 2-javore nuk kanë paraqitur asnjë rast. Ndërsa për një periudhë 4 javore që nuk kanë pasur asnjë rast janë 23 bashki dhe ky numër vjen në rritje nga java një javë.
Grupmosha mbi 60-vjeç janë të gjithë të vaksinuar dhe aktualisht prej dy javësh grumposha më e prekur është 55-64vjeç pasuar nga grupmosha 45-54-vjeç”, u shpreh Artan Simaku.
Më 8 mars 2020, Shqipëria konfirmoi dy rastet e para me Koronavirus, një baba dhe një djal, të cilët kishin ardhur në vend nga Italia.
Në të njëjtën ditë, qeveria ndaloi të gjitha fluturimet dhe tragetet që vinin nga zona veriore e Italisë deri më 3 prill. Qeveria gjithashtu mbylli shkollat për dy javë, urdhëroi ndalimin e të gjithë grupimeve të njerëzve si dhe i kërkoi federatave të sporteve të pezullonin aktivitetet. Ogerta Manastirliu, ministrja e Ministrisë së Shëndetsisë, njoftoi që çdo person që hyn në Shqipëri nga zonat me karantinë të Italisë duhet të vetë-izolohet, ose do të ndëshkoheshin
Më 10 mars, Presidenti i Shqipërisë, Ilir Meta, i bëri thirrje mjekëve të pensionuar që të rikheheshin në punë për të luftuar virusin. Në mesditën e 11 marsit u shënua vdekja e parë nga Koronavirusi në Shqipëria; në grua 73 vjeç vdiq në Durrës, nga komplikime vaskulare.
