Giovvani Brusca, krahu i djathtë i Toto Rinos dhe anëtar i grupit mafioz famëkeq, “Cosa Nostra”, njihet si autori i një atentati në Capici në 1992, në të cilën u vra gjyqtari Giovanni Falcone, së bashku me bashkëshorten e tij dhe tre pjesëtarë të sigurimit.
Corriere Della Sera ka publikuar një video të filmuar gati 5 vite më parë, ku Brusca i kërkon falje familjarëve të tij dhe të viktimave. “Reflektova dhe vendosa ta jap këtë intervistë: Nuk e di ku më çon ky video-mesazh, çfarë do të ndodhë, thjesht shpresoj të kuptohem. Vendosa të gjej paqe me veten time, sepse ka ardhur koha të ballfaqohem, edhe nëse nuk mundem të tregoj fytyrën për arsye sigurie, por paqja është në shpirt dhe lindi qëllimi për të kërkuar falje.
Të jem në gjendje të kërkoj falje për të gjitha familjet e viktimave, për të cilët kam krijuar kaq shumë dhimbje dhe kaq shumë trishtim. Jam përpjekur vitet e fundit si bashkëpunëtor i drejtësisë të jap kontributin tim, sa më shumë që të jetë e mundur, dhe t’u jap një shpjegim shumë personave që kërkojnë të vërtetën dhe drejtësinë.
Dhe unë kryesisht i kërkoj falje djalit dhe gruas time, të cilët vuajtën për kauzën time dhe po paguajnë indirekt për zgjedhjet e mia të jetës. Së pari si anëtar mafie, pastaj si bashkëpunëtor i drejtësisë, sepse fatkeqësisht në vendin tonë ata që bashkëpunojnë me drejtësinë janë gjithmonë të denigruar, gjithnjë përçmohen.
Përkundrazi, besoj se është një zgjedhje shumë e rëndësishme e jetës, morale, gjyqësore por mbi të gjitha njerëzore. Sepse ju lejon t’i jepni fund kësaj “Cosa Nostra”, të cilën unë e quaj një zinxhir vdekjeje, një fabrikë vdekjeje, as më shumë, as më pak. Një agoni e vazhdueshme”, tha mes të tjerash Brusca.
