Pas dy vrasjeve mafioze në Athinë të regjistruar në harkun kohor të më pak se një jave, autoritetet greke dyshojnë se qëndrojnë grupe mafioze shqiptare e greke dhe paralajmërojnë se vrasje të tjera të këtij lloji do të ketë në muajt në vazhdim. Gazeta greke Protothema thotë se krime të ngjashme në të ardhmen pranohen në një raport të Ministrisë së Mbrojtjes së Qytetarit, duke sjellë si arsye kryesore liberalizimin e masave anti-Covid.
Sipas kësaj gazete, masat relativisht të gjata shtrënguese çorientuan grupet mafioze që veprojnë kryesisht në zonën e Atikës dhe ato kanë prekur edhe financat e tyre, duke bërë që rivaliteti për kontroll territori të ashpërsohet.
Protothema thotë se të dyja vrasjet, ajo 34-vjeçarit Aristidh Papa dhe ajo e boksierit Tasos Berdesis kanë lidhje me njëra-tjetrën dhe janë pasojë e përplasjeve personale me mafian shqiptare. Kujtojmë se shqiptari u vra sot me tetë plumba në kokë. Autori është futur qetësisht në lokal, ka shkuar pranë tavolinës ku ndodhej shqiptari dhe e ka qëlluar atë tetë herë në kokë duke e lënë të vdekur. Më pas ai ka marrë një taksi dhe është ‘zhdukur’.
Media greke thotë gjithashtu se nga dëshmitë e mbledhura deri më tani policia greke është e bindur se ekzekutorët, të paktën në rastin e boksierit janë shqiptarë.
Po ashtu e njëjta skenë është përdorur edhe për Boksieri Tasos Berdesi u ekzekutua me breshëri kallashnikovi nga një grup prej të paktën tre personash të maskuar, që më pas janë larguar me një mjet taksi.
BE mbështet Gjykatën Ndërkombëtare Penale pas sanksioneve të SHBA-së
Bashkimi Evropian ka dalë në mbështetje të Gjykatës Ndërkombëtare Penale, pas vendimit të administratës amerikane për të sanksionuar katër gjyqtarë...
