Këshilli Europian dha ‘dritën jeshile’ ditë më parë për këtë mjet që do të jetë metoda e re e udhëtimeve, të paktën derisa pandemia të largohet.Së fundmi është publikuar një foto e certifikatës që do të hapë rrugët e Bashkimit Evropian.
Kartën në foto do e përdorin qytetarët grekë që kanë bërë vaksinën ndaj COVID-19 ose kohët e fundit kanë bërë një test PCR.Greqia ishte e para që propozoi një model të ngjashëm për të lehtësuar udhëtimet brenda BE.
Tashmë me këtë kartë hiqen kufizimet brenda BE dhe qytetarët mund të identifikohen me këtë kartë e cila tregon automatikisht nëse qytetari që e disponon ka bërë vaksinën, ka bërë test PCR apo është rekuperuar nga COVID-19.
Nga 1 korriku gjithë qytetarët europianë që do e kenë këtë kartë dixhitale mund të kapërcejnë kufijtë lehtësisht me të.Deri tani është ende e paqartë nëse qytetarët nga vendet jashtë BE do të jenë në gjendje të marrin këtë “certifikatë të gjelbër” dhe nëse certifikatat nga Kosova, Shqipëria, Maqedonia e Veriut, Serbia dhe vendet tjera do të njihen. Për këtë akoma nuk ka ndonjë vendim konkret, ndonëse më parë është thënë se certifikata duhet të njihet ndërkombëtarisht në sa më shumë vende. E në këtë konktekst janë përmendur edhe vendet jashtë Evropës, si SHBA, Izraeli apo dhe vende të tjera.
