Gjyqtarja Enkelejda Hoxha ka ankimuar në Komisionin e Pavarur të Ankimimit vendimin e Këshillit të Lartë Gjyqësor për shkarkimin nga detyra. Hoxha u arrestua me akuzën për korrupsion, ndërsa në 17 mars të vitit 2021, KLGj vendosi ta shkarkonte nga detyra.
Kujtojmë që Enkelejda Hoxha u arrestua më 11 shkurt, pasi akuzohej se kundrejt rryshfeteve të majme, lironte të dënuar problematikë. SPAK zotëronte përgjime, që sipas tyre i vërtetonin këto akuza. Në skemë ishin të përfshirë gjithashtu drejtorë të burgjeve, psikologë e sociologë që firmosnin dokumentet për të shpallur të parrezikshëm personat e burgosur. Në këto dokumente zbardhet skema se si disa të burgosur, disa të dënuar edhe për krime të rënda, vlerësohen maksimalisht duke i konsideruar si persona të sjellshëm dhe të balancuar. Më pas këto dokumente iu bashkëlidheshin dosjes për të kërkuar liri.
Kërkesa për ankimim
Shfuqizimi si i papajtueshëm me Kushtetutën e Republikës së Shqipërisë i vendimit nr. 92, datë 17.03.2021 të Këshillit të Lartë Gjyqësor
Data e regjistrimit: 21.05.2021
Vënë në lëvizje nga: Ankuesja: Enkeleida Hoxha
Subjekt i interesuar: –
Objekti: Shfuqizimi si i papajtueshëm me Kushtetutën e Republikës së Shqipërisë i vendimit nr. 92, datë 17.03.2021 të Këshillit të Lartë Gjyqësor
Përbërja e Kolegjit të shqyrtimit paraprak:
Gjyqtare: Ina Rama
Gjyqtare: Natasha Mulaj
Relatore e çështjes: Albana Shtylla
