Një aksident i rëndë ka nodhur në Kosovë ditën e sotme, ku kanë mbetur viktima dy gra. Ngjarja mësohet se ka ndodhur në Korroticë e ulët të Drenasit, ku janë përfshirë dy automjete.
Gazeta Experss shkruan se dy vikimat e aksidentit janë L.M., 48 vjeçe dhe Q.Th., 27 vjeçe. Policia ka njoftuar se njëra nga viktimat ka ndërruar jetë në vend, ndërsa një tjetër ka ndërruar jetë duke u transportuar për në Qendrën Klinike Universitare e Kosovës.
“Sot rreth orës 16:00, në fshatin Korroticë e ulët të Drenasit, ka ndodhur një aksident trafiku, ku kanë qenë të përfshira dy automjete në lëvizje. Bazuar në të dhënat fillestare, si pasojë e këtij aksidenti lëndime të rënda trupore kanë pësuar 6 persona dhe të njëjtit janë dërguar për trajtimin e nevojshëm mjekësor”, kanë thënë për Express nga Policia e Kosovës.
Në përgjigjen e policisë thuhet se njësia rajonale e trafikut ka dalëe në vendngjarje dhe ka nisur hetimet për të zbuluar shkaqet e aksidentit.
“Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve që kanë sjellë deri te ky aksident”.
Ndërkohë, 5 personat e tjerë që kanë mbetur të lënduar nga aksidenti ndodhen në spital dhe janë jashtë rrezikut për jetën.
