36-vjeçari nga Gjeorgjia, i vetmi i arrestuar për vrasjen e Caroline Crouch, është marrë sot në pyetje nga hetuesit. Media greke “Kathimerimi” ka bërë me dije detaje nga marrja në pyetje e të identifikuar me inicialin “K”, i cili refuzoi që të bashkëpunonte me Policinë. Për çdo pyetje të Policisë, ai iu përgjigj me: Më lër ta mendoj! Pikërisht me këtë përgjigje, ai la të kuptohej se kishte dijeni për grabitjen dhe la të hapur mundësinë e përfshirjes së rasti.
Ndërkohë që po priten edhe përgjigjet nga laboratori, të cilat do të saktësojnë nëse gjeorgjiani ka qenë brenda shtëpisë natën e vrasjes së 20-vjeçares. Po ashtu bëhet me dije se i arrestuari do të merret në pyetje përsëri nga Policia, pasi deri më tani ai dyshohet se të jetë informatori i grupit. Në përballjen e bashkëshortin e viktimës, piloti është shprehur se nuk e ka njohur.
Por 36-vjeçari nuk ishte i panjohur për Policinë. Në vitin 2017 ai u akuzua për tentativën për vjedhjen e një supermarketi dhe një shtëpie në Atikë. Ai u rendit në listën e zezë për shkak të lidhjeve që supozohet që ka me anëtarë të mafias në vendin e tij.
Sipas informacionve të bëra me dije dyshohet se një prej autorëve është identifikuar dhe dyshohet se është nga Shqipëria, por i dënuar në Greqi për vepra të ndryshme penale. Ai është personi i vetëm që piloti i pa fytyrën, ndaj konsiderohet edhe si “çelësi” i zbardhjes së çështjes.
Ngjarja e rëndë ka ndodhur në Greqi pak ditë më parë. Tre persona, të cilët shkuan për të grabitur një shtëpi në Greqi, përfunduan duke vrarë një 20-vjeçare britanike, qenin e familjes dhe duke torturuar bashkëshortin e të resë. 20-vjeçarja u gjet e vrarë, në papafingo të shtëpisë, pranë krevatit të fëmijës së saj 11 muajsh, ndërsa burri i saj 32 vjeç ishte i lidhur në një karrige në dhomën e gjumit. Ishte ai që njoftoi Policinë duke i rënë telefonit me hundë, por bashkëshortja kishtë ndërruar jetë prej kohësh. Pranë saj ndodhej foshnja, që fatmirësisht është në gjendje të mirë.
