Kreu i Urgjencës Kombëtare, skënder Brataj ka thënë se në vijim do të ketë lehtësimin të masave kufizuese të pandemisë. Në një intervitsë në Fax News, Brataj tha se në mbledhjen e kësaj jave të Komitetit Teknik do të rishikohen masat, por nuk do të hiqen menjëherë. Shefi i Urgjencës ka folur edhe për situatën në spitale që duket se është drejt përmirësimit dhe numri i të shtruarve ka rënë, ndërsa kohëzgjatja e qëndrimit në spital është më e ulët.
“Janë rreth 80 në dy spitalet Covid. 3-shi dhe 4-ra janë në dizpozicion por nuk ka të shtruar. Ndërsa 1-shi dhe 2-shi janë në 30% e tyre. Ndoshta numri i ulët i të shtruarve është për vetë faktin që kohëzgjatja e qëndrimit në spital është më e ulët. 8 shtrime në spital në orët e fundit. Tirana kryeson me më shumë. Shkurt-marsi ju kujtohet shumë mirë sa shtrime kishim. Gati u ezauruan të gjitha kapacitetet. Por për fat të mirë sistemi nuk shkoi në kolaps.
Në të gjithë botën dhe në Shqipëri nuk mund të heqësish të gjitha masat njëkohësisht. Kuptohet që do të ketë lehtësim masash. Edhe mbledhja e kësaj jave do të rishikohen masat. Por mos mendoni se do t’i heqim menjëherë. E vetmja mënyrë është vaksinimi i sa më shumë njerëzve”, ka thënë Brataj.
