Mediat greke shkruajnë se autori i vrasjes makabre të 20-vjeçares Caroline Crouch në Greqi është me origjinë shqiptare.
Sipas medias greke “Espresso“, bëhet fjalë për një kriminal të njohur për drejtësinë, i cili ka qenë dënuar për tentativë vrasje, formim të një organizate kriminale, grabitje dhe një sërë krimesh të tjera.
Së fundmi, sipas mediave greke, ai ishte liruar nga burgu. Shqiptari, një prej grabitësve që hyri në shtëpinë e çiftit dhe që njihej nga policia si “burri i shkurtër”, është 1.70 cm dhe zeshkan.
20-vjeçarja me origjinë britanike është torturuar dhe vrarë para vajzës së saj 11-muajshe në Greqi, ku jetonte së bashku me bashkëshortin e saj shtetasin grek, Babis Anagnostopoulos.
Caroline Crouch u vra teksa ishte në një shtëpi në Glyka Nera të Athinës. Sipas policisë greke, 3 persona të armatosur hynë në shtëpinë e familjes rreth orës 05:00 të mëngjesit, lidhën 33-vjeçarin, torturuan për rreth një orë 20-vjeçaren për të treguar se ku ndodheshin gjërat me vlerë, para se ta vrisnin.
Kujtojmë se disa grabitës mbytën një 20-vjeçare me shtetësi Britanike. Bashkëshorti i 20-vjen një 20-vjeçare me shtetësi Britanike. 32-vjeçari ka treguar se e ka kuptuar që bashkëshortja e tij ka ndërruar jetë vetëm në momentin që ka ardhur policia. Haralambos Anagnostopoulos në fjalën e tij ndër të tjera ka pohuar se ai është ende në gjendje shoku, nga ngjarja e rëndë që ka ndodhur dhe se mban ende kontakt me policinë.
