Tom Doshi në një deklaratë për mediat pak më parë hoqi dorë nga mandati i deputetit. Kryetari i Partisë Social Demokrate, Tom Doshi ka reaguar sërish për vendimin për të djegur mandatin aktual në Parlamentin Shqiptar dhe atë të qeverisë pasardhëse nëse rezulton fitues.
Me anë të një deklarate për mediat, Doshi u shpreh i bindur se PSD në Qarkun e Shkodrës ka siguruar 2 mandate, ndërsa shtoi se objektivi i tyre është të marrin edhe dy mandate në Tiranë.
I pyetur nëse do të ishte i gatshëm të bënte një koalicion me Partinë Socialiste, Tom Doshi u përgjigj pozitivisht, duke theksuar se me Lulzim Bashën nuk do të bëjnë asnjë koalicion.
Sa mandate synoni të merrni në Shkodër?
Tom Doshi: 2, të sigurta.
Po në të gjithë Shqipërinë?
Tom Doshi: Mendojmë edhe dy mandate në Tiranë.
A do të bënit koalicion me Ramën?
Tom Doshi: Jemi të gatshëm të bëjmë koalicion me Partinë Socialiste.
Po nëse do të kishit ftesë nga Basha?
Tom Doshi: Jo, në asnjë mënyrë.
Kujtojmë se pak më parë Tom Doshi shpjegon arsyet se pse dha dorëheqjen e mandatit të tij, duke radhitur të gjitha arsyet që e çuan të merrte këtë vendim. Mes të tjerash, Doshi pranoi se ka dhënë dorëheqjen nga mandati për deputet, por jo nga partia e tij, PSD.
