Kryeministri Edi Rama ka publikuar një video që përmbleedh rrugëtimin e tij politik dhe karrirën nga që kur ishte ministër Kulture e deri sot që është kryeministër.
Videoja fillon me fjalën e nënës së ndjerë të kryeministrit, Aneta Rama.
“Edi është djalë që do dëshironte cdo nënë ta kishte. Aika forcën dhe vullnetin ta cojë këtë vend përpara”, dëgjohet të thotë e ndjera në video.
Më tej është edhe bashkëshortja e Ramës, Linda rama ajo që vazhdon rrëfimin e cila e nis me protestën homazh të 21 janarit, para së cilës Rama kishte marrë mesazh se donin ta eliminonin fizikisht.
“Më 28 janar u caktua për t’u bërë protesta homazh dhe vetëm një ditë më parë në mbrëmje Edi u njoftua në mbrëmje nga agjenci serioze që kishte një plan për eliminimin fizik të tij. Shqetësimi real dhe i madh në diskutimet tona ishte rreziku i provokimit të një gjëje të rëndë në një masë shumë të madhe njerëzish që parashikonin të vinin në këtë protestë dhe Edi mori vendimin që protesta në asnjë lloj rasti nuk mund të anulohej sepse nëse do anulohej do instalohej frika. E tha shumë qartë që jeta ime nuk ka kurrfarë vlere para atyre që mbetën në bulevardin ‘Dëshmorët e Kombit’”, thotë Linda Rama.
Vetë kryeministri thotë në fjalën e tij çdo krizë është një mundësi dhe fatkeqësia duhej shndërruar në një fillim të ri.
“Çdo krizë është një mundësi. E dija që duhej me patjetër ta shndërronim këtë fatkeqësi në një fillim të ri, në një fillim të mbarë, në një perspektivë të re për mijëra e mijëra familje, për më të rinjtë dhe fëmijët e tyre, për Shqipërinë”,
“Një për të gjithë dhe të gjithë për një, si një familje, të bashkuar, për Shqipërinë”, shprehet Rama.
Në video Rama numëron gjithë arritjet e tij gjatë dy manadateve dhe për t’i prezantuar ka zgjedhur këngë të ndryshme. Ajo që bien ë sy është kënga e Noizy-t “Flas gjuhën e kampionit” që Rama e ka zgjedhur kur prezanton ndërtimin e stadiumit të ri.
https://www.facebook.com/edirama.al/videos/456824568866441/
