Surprizat në takimet e kryeministrit Rama nuk kanë fund teksa edhe një herë një qytetar ka bërtitur nga ballkoni “Rama ik”. Ndërkohë, Rama i ka kërkuar banorit të futet brenda e të ketë kujdes të mos bjerë e se patronazhistët po e shikojnë.
“Oou ouu ore unë nuk iki, kujdes mos biesh ti. Se nuk ia vlen që të biesh për Lulin. Kujdes se patronazhistët të shikojnë. Hajde futu brenda tani, bravo bëni detyrën”, tha Rama.
Ai ka komentuar edhe kreun e opozitës dhe ka thënë se nuk ka bërë asnjë punë deri tani. Rama tha se Basha është mbajtur si një kukull me të mira dhe se njëherë bëhet Batman dhe i mblidhen pas spidermane.
“Tani do thoni clidhje ka kjo? Po kush është lulu, është korrieri i radhës që përcjell po atë zë që vjen nga thellë. Që na ka penguar ne të ngjitemi në majën. Shikoni rreth e rrotull, një vend kaq i vogël që i ka të githa. Preket nga dy dete njëri më i bukur se tjetri, që ka brigjet fantastike, jo vetëm të deteve po dhe të lumjeve, brenda të cilave janë pllaja, liqene.Unë mendoj se Zoti e ka bërë Shqipërinë ditën e dielë. Cfarë e ka penguar Shqipërinë të jetë në majë, dora e mbrapshtë e robit. Luli është Rrapushi që nuk vjen si shpëtimtar i vetëm po me autokolonë që kushton 4- 5 milionë euro. Luli nuk ka bërë asnjë punë deri më sot dhe është ngjit. Ësht mbajt si ajo kukulla me të mira.
Iher Luli bëhet Batman që thotë do të kërcej te xhamia e kryeministrisë pasi të fitojmë dhe i mblidhen të gjithë spidermane që do të lënë pas ndotjen. Ky Batman bëhet Barbie me flokë të zeza shkon kudo dhe këndon ninulla të jetës së re që do të vijë”, ka thënë kryeministri.
