Presidenti i Republikës, Ilir Meta me anë të një video-mesazhi të shpërndarë një rrjetet sociale, ka publikuar mesazhin e gazetarëve për zgjedhjet e 25 prillit.Gazetaret me anë të video-mesazhit bëjnë thirrje që të gjithë qytetarët me të drejtë vote të votojnë më 25 prill, për të vendosur dhe zgjedhur se kush do të na qeverisë për katër vitet e ardhshme, është koha për ndryshim. Gazetarët kanë kërkuar që çdo qytetar shqiptar me të drejtë vote ta vlerësojë rëndësinë e zgjedhjeve dhe mundësinë e tij për të vendosur për qeverisjen e ardhshme.
Gjithashtu, në klip një thirrje kryesisht nga gazetarët e kronikës drejtuar qytetarëve dhe forcave politike lidhet me shmangien e çdo procesi shit-blerje apo intimidimi. Mesazhi në video është dhënë nga disa prej gazetarëve që do të raportojnë në 25 prill, ndërkohë që do të jenë me qindra, reporterë, operatorë dhe staf teknik që do të angazhohen në këto zgjedhje.
Postimi i presidentit Ilir Meta:
Më 25 Prill, Ti vendos për të ardhmen tënde, të familjes dhe të Atdheut tonë të dashur!
Mos e shit dinjitetin! Mbro me Votë Jetën, Lirinë dhe të Drejtat e Tua! Mbro Demokracinë!
Ju lutem shpërndajeni kudo këtë mesazh sensibilizues dhe shumë frymëzues të gazetarëve të terrenit drejtuar çdo qytetari të Republikës.
https://www.facebook.com/watch/?ref=saved&v=952768598803922
