145 mijë doza janë siguruar nga kontrata e Bashkimit Europian me 6 vendet e rajonit, për vaksinat Pfizer që BE do të shpërndajë në rajon.
“Plot 145 mijë vaksina nga 651 mijë gjithsej për Ballkanin Perëndimor, do t’i marrë Shqipëria, kështu që herë tjetër mos të nxitohen analistët “gjithologë” dhe politikanët “llogjellogë”, kur gjykojnë qëndrimet e mia ndaj BE, në emër të popullit shqiptar”, shkruan Rama.
Gjithashtu, kryeministri i Shqipërisë, Edi Rama, nëpërmjet një statusi ka falënderuar Komisionin Europian, presidenten Von der Leyen, komisionarin Varheley dhe ambasadorin Soreca për mbështetjen që i kanë dhënë Shqipërisë në këtë situatë të vështirë pandemi.
Më herët, Ursula von der Leyen, nëpërmjet një postimi në “Twitter” u shpreh se Unioni do të vijojë të mbetet pranë partnerëve në Ballkanin Perëndimor.
Statusi i plotë:
“Shqipëria siguron dozën e dytë më të madhe nga kontrata e Bashkimit Europian me 6 vendet e rajonit për vaksinat Pfizer që BE do të shpërndajë në rajon. Plot 145 mijë vaksina nga 651 mijë gjithsej për Ballkanin Perëndimor, do t’i marrë Shqipëria, kështu që herë tjetër mos të nxitohen analistët “gjithologë” dhe politikanët “llogjellogë”, kur gjykojnë qëndrimet e mia ndaj BE, në emër të popullit shqiptar.
Shumë faleminderit Komisionit Europian, Presidentes Von der Leyen, Komisionerit Varheley dhe ambasadorit Soreca, që e dëgjuan, respektuan e përsëri po e ndihmojnë Shqipërinë, si miq të çmuar të këtij populli”.
https://www.facebook.com/edirama.al/posts/10158705487876523
