“Burg përjetë” kjo është masa që Prokuroria ka kërkuar për ekzekutorin e Suela Sulës, Fatjon Karmeshtna.
Ngjarja ndodhi më 18 prill në 2016 në Shkodër. 38-vjeçarja, nëna e tre fëmijëve u gjet e mbytur në tualetin e mobilerisë që kishte ajo dhe burri.
Kujtojmë se gjykata ka dënuar me burgim të përjetshëm bashkëshortin e viktimës Sadetin Sula, i cili akuzohet për urdhërimin e vrasjes së gruas së tij Suela Sula.
Biznesmeni Sadetin Sula akuzohet për “vrasje me dashje, për shkak të marrëdhënieve familjare për arsye xhelozie”. Vrasja, që u cilësua më parë si vetëvrasje, u krye nga Fatjon Karameshtna me urdhër të Sadetin Sulës.
35-vjeçari punonjës i mobilerisë, sipas Prokurorisë, ka mbytur gruan e pronarit Sadedin Sula, me urdhër të këtij të fundit. Biznesmeni i frikësohej divorcit për përgjysmimin e pasurisë dhe akuzonte bashkëshorten për tradhti.
(Ekzekutori Fatjon Karmeshtna)
