Presidenti i vendit, Ilir Meta ka publikuar në rrjete sociale një foto që ia ka dërguar këshilltari i CDU-së Martin Henze, të shkrepura në Gjirokastër. Bëhet fjalë për një foto të banderolave të Partisë Socialiste, ku Meta shfaqet krah Bashës, Kryemadhit e Berishës. Për këtë presidenti ka reaguar ashpër ku ka thënë se nuk e shqetëson “psikopatia e Rilindasve” dhe ka deklaruar që nëse hynë në zgjedhje pala tjetër do të mbesin pa grup parlamentar.
Më tej Meta ka bërë thirrje për të respektuar Kodin Zgjedhor.
Postimi i plotë
Dy foto të pabesueshme nga Gjirokastra, që m’i nisi miku i shtrenjtë i demokracisë shqiptare, Martin Henze.
Asnjë shqetësim për psikopatinë tuaj ZOTI “RILINDAS”, por nëse vërtet e besoni, që unë jam në garë për 25 Prillin, mos më detyroni të hyj vërtet pasi do të mbeteni pa grup parlamentar.
Pale po mora edhe Doktorin e Madh, nuk ka spital, që ju bën derman!
Ndaj respektoni Kodin Zgjedhor dhe boll e tepruat me shkelje se i nxitë faqen Shqipërisë para botës!\
Kujtojmë se kryeministri Edi Rama nga Vlora pak ditë më parë e ka sulmuar edhe presidentin Ilir Meta, i cili ishte në ktë qytet vetëm pak ditë më parë. Rama e ka cilësuar Metën si një “kandidat të opozitës” dhe ka thënë se presidenti është vendosur në Vlorë e nuk flet për asgjë të mirë. Kryeministri tha se Meta bën takime skutave dhe ka thënë se PS duhet të votohet për të vazhduar punën me vetingun.
