Kryeministri i vendit, Edi Rama në takimin me gratë e Partisë socialiste në Tiranë ka folur për dy nga figurat më të rëndësishme në PS, Elisa Spiropalin dhe Mimi Kodhelin. Rama ka ironizuar faktin që Spiropali është kandidate për deputete në Tiranë duke thënë se historia e “Mamicës”, nis nga koha e Skënderbeut. Më tej, ai ka thënë se për Spiropalin nuk flet gjatë se ajo fletë vetë shumë.
‘’Kush mund ta diskutojë çfarë arsye ka që është sot Mamica? Ka nisur që në kohën e Skënderbeut. Dhe këtu vijon një jetë tjetër. Për Elisën s’po flas gjatë, se flet vetë shumë. Ka një arsye por, përtej shakasë, edhe Elisa vjen nga një rrugë krejt tjetër, por gjithë këto rrugë bashkohen këtu për një arsye, për vetëdijen dhe për bindjen, se nëse vajzat e gratë do të presin që ato çfarë ato duan të bëjnë ta bëjnë burrat, ky vend ka marrë fund.’’- tha Rama.
Ndërsa për Mimi Kodhelin, Rama është shprehur s ka një simpati të vjetër që kur ajo ka qenë me flokë të gjata. Njohjen me Kodhelin, Rama thotë se e ka të hershme prej prindërve të tij, madje shtoi se ajo i shkonte shpesh për vizitë në shtëpinë e tij. Ai thotë se Kodheli ishte një super kinge me flokët e gjata, dhe ai për t’i rënë në sy gjuante kosha për të treguar sa bukur i bënte.
‘’Mimi është këtu sot pas një rruge shumë të gjatë, qysh nga koha kur kishim një lidhje të largët në kohë të largët për shkak të prindërve. Unë isha i vogël kur prindërit vinin për vizitë tek shtëpia, ishte një super kinge, që kur futen në jetën e një pubertari krijojnë fantazira.
Kishim një fushë basketbolli poshtë pallatit, dhe Mimi vinte dhe unë gjuaja koshat që të tregoja sa bukur i bëja. Po vetëm këtu, asgjë më shumë. Pastaj Mimi punonte në sektorin bankar, dhe edhi me mua në Bashkinë e Tiranës. Pjesën tjetër e dini. Ajo është këtu për një arsye.’’- tha Rama.
