Presidenti Ilir Meta ka pohuar se ai ka shkuar në Durrës sepse të rinjtë e LSI-së po ndalohen dhe po ‘përndiqen’ për t’u anëtarësuar në PS. Ai publikoi një skemë ku në krye ndodhej Lefter Koka, kandidati nr 7 i Partisë Socialiste për Durrësin, ku sipas tij të gjithë personat e përfshirë kërcënojnë me dhunë të rinjë e LRI-së.
Emrat e denoncuara nga Presidenti Meta si anëtarë të mafies së inceneratorëve që bëjnë presione në Durrës:
Lefter Koka
Arben Seferi
Arbër Shtylla
Juri Meraj
Skerdi Bello
Arbër Koka
‘Këta persona që shihni këtu, janë pjesë e një afere korruptive inceniatorësh, që kërcënojnë çdo anëtar të LSI-së dhe intimidojnë çdo qytetar që mbështet LSI-në’, tha fillimisht Meta.
“Me Lefter Koken i kam nderprere marredheniet personalisht per shkak te moralit te tij te ulet politik e njerezor, disa muaj para nderprerjes se mandateve. Anetar i mafies se inceneratoreve eshte edhe Alqi Ballko, kandidat i Rilindjes i 17 ne Tirane, i vendosur ne kete pozicion per te blere votat”, u shpreh presidenti.
Gjithashtu, Meta ka folur rreth raportit që ka me ish-kryeministrin Sali Berisha.”Me Doktor Berishen nuk me ndani dot. Rames vite me pare i kam thene ne sy, ne prani te Gramoz Rucit dhe Petrit Vasilit se ne te gjithe vitet e mia ne politike partneri me serioz ne politike me rezulton Sali Berisha”, përfundoi presidenti.
