Liderja gjermane Angela Merkel thuhet se do të marrë të premten dozën e saj të parë të vaksinës AstraZeneca kundër COVID-19 – pavarësisht se kombi i saj është një nga të shumtët që kufizon përdorimin e kësaj vaksine për shkak të frikës nga mpiksja e gjakut.
Kancelarja 66-vjeçare do të bëhet personi i profilit më të lartë në vendin e Bashkimit Evropianqë do të marrë dozat e AstraZeneca, e cila është ndaluar në një grup vendesh për shkak të rasteve të mpiksjes të gjakut.
Merkel ka të drejtë vetëm të marrë AstraZeneca për shkak se ajo është 66 vjeç, me përdorimin e saj në Gjermani të ndaluar për ata që janë nën 60 vjeç.
Presidenti federal Frank-Walter Steinmeier u vaksinua në fillim të këtij muaji, duke thënë në atë kohë, “Unë kam besim tek vaksinat e miratuara në Gjermani”.
Edhe politikani Karl Lauterbach – një shkencëtar që ka ndihmuar në një qendër vaksinimi – gjithashtu mori të njëjtën vaksinë, duke këmbëngulur se ishte një “vaksinë shumë efektive” me vetëm efekte anësore serioze që ishin “shumë të rralla”.
Gjermania ka regjistruar deri tani më shumë se 3 milion raste të infektimeve me koronavirus dhe gati 80,000 vdekje që nga fillimi i pandemisë, sipas të dhënave të Universitetit Johns Hopkins.
