Kreu i Komisionit Qendror të Zgjedhjeve, Ilirjan Celibashi ka sqaruar vendimin që Komisioni Rregullator mori ditën e djeshme për shpalljen e rezultatit të votimit në orën 08:00 të datës 26 prill. Celibashi ka thënë se ky orar do të zbatohet vetëm për Tiranën, në qendrën e votimit ku do të zbatohet projekti pilot i votimit dhe numërimit elektronik.
Kjo do të thotë se rezultati i votimit në orën 08:00 të nesërmen e zgjedhjeve do të dalë vetëm për ZAZ 40 në Tiranë dhe jo për të gjithë vendin.
Mesazhi i Celibashit:
𝐕𝐄̈𝐌𝐄𝐍𝐃𝐉𝐄!
Shpallja e rezultatit në orën 8:00, të ditës së nesërme të ditës së votimit, 𝐝𝐨 𝐭𝐞̈ 𝐣𝐞𝐭𝐞̈ 𝐯𝐞𝐭𝐞̈𝐦 𝐩𝐞̈𝐫 𝐙𝐀𝐙 𝟒𝟎 (TR).
Në këtë ZAZ do të zbatohet projekti pilot i Votimit dhe Numërimit Elektronik.
#zgjedhjethqiperi2021 #25prill2021 #kqz
https://www.facebook.com/KQZShqiperi/posts/3732731676837726
Komisioni Rregullator vendosi në mbledhjen e djeshme që rezultati të shpallet në orën 08:00 të datës 26 prill , ndërsa gjatë natës ambienti do të survejohet me kamera dhe pamjet do të transmetohen direct në serverat e KQZ.
Kujtojmë që në zgjedhjet e kaluara, afati që Komisioni Qendror i Zgjedhjeve kishte vendosur për KZAZ-të për shpalljen e rezultatit të votimit, ishte mesnata e ditës së nesërmë të zgjedhjeve. Nuk dihet nëse do të jetë sërish i njëti afat për KZAZ-të në të gjithë vendin edhe në këto zgjedhje.
