Protesta/ Verifikim edhe veprimeve të Gardës dhe Policisë

Pas protestës së opozitës, policia ka arrestuar 16 persona, ndërsa prokuroria do të kërkojë masën “arrest me burg”.  Ndërkohë kanë nisur verifikimet edhe për planin e masave të Gardës së Republikës dhe Policisë.

Materialet kanë mbërritur në Gjykatën e Tiranës mesditën e së dielës, ndërsa masa e sigurisë do të zhvillohet të martën.

Për të gjithë të pandehurit do të kërkohet “arrest me burg” nga prokuroria, ndërkohë që ndaj tyre rëndojnë katër akuza që nga shkatërrimi i pronës me zjarr e deri të goditja e dhuna ndaj punonjësve të policisë.

Arrestimi i tyre u bë në bazë të pamjeve filmike të policisë si dhe ato të vendosura në Kryeministri, të cilat kanq fiksuar të gjithë veprimet e protestuesve.

Prokuroria do të verifikojë edhe veprimet e Gardës së Republikës dhe Policisë së Shtetit, për planin e masave që janë marrë para dhe gjatë protestës si dhe a është zbatuar ai plan dhe a ka patur tejkalim të kompetencave të policisë.

Të arrestuarit janë:

1 -Florenc Hoxha

2 -Emanuel Nallbani

3- Naim Haxhiu

4-Andon Gjini

5-Resul Daci

6- Suzana Dimushi

7-David Linati

8-Hasan Jakupi

9-Ilir Hamedini

10-Festim Taku

11- Sajmir Rexhepi

12-Mitat Fieraku

13-Lefter Jakupi

14-Pëllumb Sheluka

15- Veljan Dine

16-Ndue Tuci