Në prangat e policisë së Fierit ka rënë një 34-vjeçar nga Patosi, pasi akuzohet për përndjekjen e një adoleshenteje. Ngjarja ka ndodhur në Patos dhe mësohet se shtetasi me inicialet N.K., është arrestuar në flagrancë nga Policia e Fierit.Gjithashtu mësohet se në prangat e policisë ka rënë edh një person nga Lushnja, pasi ka shkelur vendimin e gjykatës dhe ka shkuar te shtëpia e gjyshërve të cilët ishin me urdhër mbrojtje. Në prangat e policisë ka përfunduar shtetasi me inicialet G.Q., 20 vjeç banues në qytetin e Lushnjes. Materialet i kanë kaluar Prokurorisë, për veprime të mëtejshme procedurale.
Njoftimi i plotë
Bien në prangat e Policisë 2 shtetas, për veprat penale “Përndjekja” dhe “Veprime në kundërshtim me vendimin e gjykatës”.
Specialistët për Hetimin e Krimeve në Komisariatin e Policisë Fier arrestuan në flagrancë, për veprën penale “Përndjekja”, shtetasin N. K., 34 vjeç, banues në Patos, pasi në datën 13.04.2021 ka përndjekur një shtetase të mitur 17 vjeçe. Specialistët për Hetimin e Krimeve në Komisariatin e Policisë Lushnjë arrestuan në flagrancë, për veprën penale “Veprime në kundërshtim me vendimin e gjykatës”, shtetasin G. Q., 20 vjeç, banues në Lushnjë, pasi ka shkelur vendimin e Gjykatës, duke shkuar te shtëpia e gjyshërve të tij, të cilët ishin të pajisur me urdhër mbrojtjeje.
Materialet i kaluan Prokurorisë, për veprime të mëtejshme procedurale.
