Ish-ministri grek mbështet kandidatin e pavarur Elton Debreshi: Shumë i lumtur që në Shqipëri po lind një lëvizje e re

Ish-ministri grek i Financave, Yanis Varoufakis ka shprehur mbështetjen e tij për kandidatin e pavarur për deputet në qarkun e Dibrës, minatorin Elton Debreshi.

Në një postim në Twitter, Varoufakis ka shpërnadrë videon e Progressive International për spotin e Elton Debreshit dhe shkruan se është shmë i lumtur që në Shqipëri po formohet një lëvizje e re dhe ndryshe.

Shumë i lumtur të them se në Shqipëri po formohet një lëvizje e re dhe ndryshe. Këtu është Elton Debreshi, i Minatorëve të Bashkuar të Sindikatës së Bulqizës (SMBB) të Shqipërisë. Shikoni videon e tyre dhe mbështesni luftën e tyre përkrah International Progressive, shkruan Varoufakis.

Very glad to report that in Albania a new and incredible movement is forming. Here is Elton Debreshi, of the United Miners of Bulqiza Trade Union (SMBB) of Albania. Watch their video and support their struggle alongside the Progressive International https://t.co/P6vA17Iyuf

— Yanis Varoufakis (@yanisvaroufakis) April 13, 2021

Elton Debreshi ka falenderuar ish-ministrin një postim në Facebok, ku shkruan se zëri i përpjekjes së përbashkët do të ketë jehonë ndërkombëtare nga të gjithë njerëzit e ndershëm që përpiqen të ndërtojnë një shoqëri të drejtë.

Postimi i Elton Debreshit:

Falenderoj për mbështetjen e shprehur ndaj kandidatures time të pavarur Yanis Varoufakis-in, ish-Ministër i Financave të Greqisë gjatë vitit të vështirë 2015, aktualisht kryetar i partisë Mera25 në parlamentin grek dhe bashkëthemelues i lëvizjes mbarë-evropiane Progressive International.

Zëri i përpjekjes sonë të përbashkët nga Kuvendi i Shqipërisë do ketë jehonë ndërkombëtare nga të gjithë ata njerëz të ndershëm që përpiqen të ndertojnë një shoqëri me të drejtë. Së bashku, do ia dalim!

https://www.facebook.com/MeEltonDebreshin/posts/124790283017740