Shoqërimi i ish- kreut të Policisë Bashkiake, Florenc Hoxha për rrëmujën e bërë dje në protestën e opozitës, ka ngjallur jo pak polemika, mirëpo ai vazhdon ende të jetë pranë ambienteve të komisariatit.
Sipas Ballkanweb, Hoxha është pyetur disa herë për ngjarjet e ndodhura në protestën e djeshme, mirëpo ende nuk është komunikuar arresti apo lirimi i tij.
Ish-kreu i Policisë Bashkiake Florenc Hoxha vijon të jetë në policinë e Tiranës që prej shoqërimit të tij mbrëmjen e kaluar.
Hoxha po hetohet lidhur me protestën e opozitës para Kryeministrisë dhe veprimet e dhunshme të ndodhura gjatë saj. Ai rezulton të jetë fotografuar nga shërbimet e policisë në protestë, ndërsa akuzohet për thyerje të qetësisë publike dhe shkatërrim prone.
