Reagojnë kontrollorët! Sipas tyre, ata nuk janë në kushtet e braktisjes së punës. Avokati i tyre ka reaguar për mediat, duke thënë: “Kontrollorët shkojnë në punë, por nuk ka braktisje. Hyjmë në diskutime ligjore. Ne shkojmë në punë, por nuk e ushtrojmë funksionin. Kemi pamundësi psikologjike dhe e kemi detyrim ligjor. Mosrespektimi do të sillte gjobitjen tonë.
Si do të vijoni?
Nuk është çështje politike. Kemi dy kërkesa që mund të përmbusheshin me vullnet të mirë.
Jeni të përgatitur për t’u përballur ligjërisht?
Nuk ka hapësirë ligjore për të na çuar në ndjekje penale. Kontrollori ka detyrimin të saktësojë që nuk është i aftë për punë. Nëse konsiderohet si vepër penale atëherë është çështje ligjore. Kontrata e punës është një e drejtë që nuk mund të cenohet. Po të merret dhe logjika është në të gjitha aktet normative. Janë njohur mjetet financiare, mund të shkonin dhe të merrnin kredi dhe të përballonin pagat. Kontrata është marrëveshje, kemi rënë dakord për këto paga.
Si jeni ndjerë kur jeni komentuar si sabotatorë të shtetit?
Thjesht na është shtuar stresi. Njerëzit që janë pas meje ndjehen edhe më të stresuar. Ne kërkojmë respektimin e kontratës së punës, me parametrat dhe pagën që ka ajo. Largimi ose ndryshimi i orareve të punës sjell paaftësi ose vështirësi të kontrollorëve në ushtrimin e detyrës.
Çfarë do të ndodhë nesër pas orës 10:00?
Ne jemi ende në pritje të zgjidhjes së situatës. Pika e parë që u diskutua në takim me ministren ishte se ata që janë larguar nga puna, duhet të rikthehen. Këta njerëz, që u është filluar procedura e largimit, nuk rezultojnë të jenë në turne.
