Kryeministri Edi Rama, ditën e sotme ndodhet në qytetin e Pogradecit për takimet elektorale, gjithashtu po ndjek nga afër edhe procesin e vaksinimit në këtë zonë. Me anë të një postimi në rrjetet sociale ka publikuar një foto të vaksinimit dhe një foto nga takimi i kryedemokratit Basha në Malësi të Madhe, duke bërë një krahasim mes tyre.
Duket se kjo është “risia” e kryeministrit në rrjetet sociale, sepse edhe ditën e djeshme ndoqi të njëjtën taktik. Rama krahas fotos ka theksuar se më 25 prill shqiptarët do të votojnë për vaksinim dhe jo për infektim.
“Në 25 prill Shqipëria do të votojë për Vaksinimin, jo për Infektimin; për Rindërtimin jo për Rishkatërrimin; për forcimin e Ligjshmërisë e rritjen e Ekonomisë, jo për rikthimin e Paligjshmërisë e të Çorodisë! *Qendra e Vaksinimit Pogradec dhe epiqendra e Infektimit Malësi e Madhe”, shkruan Rama.
https://www.facebook.com/edirama.al/photos/a.10151850199621523/10158670223561523/
Kujtojmë se ditën e djeshme kryeministri i vendit, Edi Rama ironizoi kryedemokratin Basha në rrjetet sociale me dy foto të ndryshme, hërën e parë publikoi foton e një qeni që flinte përpara dy posterave të vendosur nga Partia Demokratike dhe krahas fotos shkruante ”Gjumi është ngjitës!”. Herën e dytë Rama e akuzoi Bashën se në ditë me shi flinte dhe gënjente qytetaret me video të xhiruara në kohë me diell. Ndërkohë që kryedemokrati e nisi ditën e djeshme fushatën elektorale nga “Unaza e Re”.
