Kryetari i Partisë Demokratike, Lulzim Basha, ishte i ftuar mëngjesin e sotëm në emisionin “Koha për tu zgjuar”, në News 24, teksa ka folur për zgjedhjet e 25 prillit dhe se si do të qeverisë në qoftë se vjen në pushtet. Kreu demokrat u shpreh se në qeverisjen e tij nuk do të ketë anëtarë të kabineti, të cilët kanë shërbyer në të kaluarën.
I pyetur nga gazetari se çfarë do të sjellin ndryshe forca politike që ai drejton, Basha u shpreh se kabinet i tij do të përbëhet nga anëtarë me integritet e profesionalizëm. Ndër të tjera Basha u zotua se nuk do të kërkojë mandat të dytë në qoftë se nuk zbaton të gjitha pikat e programit të tij. I pyetur për kryeministrin Edi Rama, Basha u shprehë se ai është një frikacak dhe se ka frikë nga debati. Ndër të tjëra Basha tha se ai do të hyjë në histori si kryemi nistri që u kthye në satelit.“Rama përpiqet të shmangë vëmendjen nga pyetja normale, zotëri kishte 8 vjet pushtet, çfarë bëre Nuk ëshët detyrim ndaj meje, duhet të debatojmë. Ky tjetri që kërkon pushtetin ka për tdetyrë t’i thotë çfarë do bëjë, ku do na çojë. Unë i dëgjoj qytetarët, i jap vërejtjet Rama ka ndryshuar fjalorin nga kazani, tepsia, merret me mua. Do të hyjë në histori si kryeministri u kthye në satelit. Gjej rastin të them se është edhe një hendek mesa asaj që thotë e asaj që bënë. Tjetër gjë ka thënë, tjetër gjë bën,a ka frikë nga debati. Qëndrime pompoze, dhe pastaj ka frikë. ‘’- tha Basha.
Pjesë nga intervista:
A do të ndryshojë diçka nga sjellja politike e forcës që përfaqësoni?
Basha: Uji rrjedh, jeta rrjedh. Në qeverisjen time nuk do të ketë anëtarë të kabinetit, që kanë shërbyer në të kaluarën, por do të ketë anëtarë me integritet, me profesionalizëm, që do të jenë në gjendje të mbajnë peshën e përgjegjësisë. Do të përbëhet nga individë, zonja e zotërinj të spikatur, në fushat e tyre profesionale, që do të bëjnë të mundur krijimin e një kulture të re politike. Kjo na karakterizon neve si ekip, por edhe mua. Politika sot është bërë një fjalë e pisët, sepse ka hyrë dhunshëm në jetën e shqiptarëve, duke rënduar problemet. Ndërsa politika siç e shoh unë nuk mund të jetë një teatër, në kurriz të aspekteve të bashkëjetesës. Specialistët e fushave të ndryshme duhet të kenë hapësirën për të kontribuar. Do të thoja një ndryshim me çdo lloj përqasje ndaj qeverisjes që mund të kemi pasur në këto 30 vite, për t’i dhënë fund tranzicionit shqiptar.
Qeverisja ‘Basha 1’ mund të jetë një qeverisje ‘Berisha 3’?
Shqiptarët duhet të kuptojnë se kur je në ikje, siç është kryeministri, je i detyruar të formulosh gënjeshtra, për të hequr vëmendjen nga dështimet. Kryeministri duhet të shpjegojë se çfarë ka bërë këto 8 vite, ku i ka premtimet, çfarë ka arritur. Duke qenë se nuk ka arritur asgjë, madje në disa aspekte ka shkuar mbrapa, atëherë fabula është sulmi i kundërshtarit politik, dhe tek unë fabula ndalet te kjo që ‘ja nuk është ky, është ai’. 25 prilli nuk është një betejë personale mes Ramës dhe meje, siç e sheh ai, dhe kjo është arsyeja pse nuk i përgjigjem, edhe pse ai mërzitet. Kjo është fushata e parë në këto 30 vite, ku kryeministri është kthyer në satelitin tim, sepse nuk ka asgjë tjetër për të dhënë më, ka shteruar në çdo kuptim. Po t’i heqësh Lulzim Bashën, vaksinën, pandeminë, nuk ka më fushatë.
Kjo fushatë është për familjet shqiptare, nëse do vazhdojnë t’i përcjellin fëmijët e tyre në emigracion, apo do u japin atyre një shans, duke votuar për ndryshim, për PD, që ka një plan konkret për të zgjidhur disa nga problemet kryesore, që kanë shkaktuar valën e emigracionit.
