Ministrja e Shëndetësisë, Ogerta Manastirliu nga qyteti i Fierit ka bërë me dije se javën që vjen do të vijnë në Shqipëri, vaksina të tjera Pfizer dhe Sinovac. Ajo ka lajmëruar se do të nisë vaksinimi edhe për moshat mbi 65 vjeç dhe të sëmurët kronikë.
Së bashku me kryeministrin e vendit Edi Rama, ministrja Manastirliu ndodhet në qytetin e Fierit ku dhe po monitorojnë nga afër procesin e vaksinimit në këtë qytet, teksa duket se vendi jonë edhe javën e ardhshme do të marri një ngarkesë tjetër vaksinash. Manastirliu ka lënë kështu të hapur mundësinë që mund të nisë vaksinimi edhe për moshat +60.
‘’Gjithë fshatrat e zonat e thella. Kemi bërë distribucion 100%. Edhe me Pfizer, dhe Sputnik. Presim java që vjen të kemi sërish vaksina të Pfizer, dhe gjithashtu edhe serinë e ardhshme të Sinovac. Hapim faqen +65, ndoshta dhe +60 me të sëmurët kronikë.’’- tha Manastirliu.
Kujtojmë se ditën e djeshme nisi vaksinimi i uniformave blu në stadiumin “Air Albania”, proces icili vazhdon edhe ditën e sotme. Ndërkohë që vaksinën e kanë marrë edhe gazetarët e terrenit dhe vazhdon procesi i vaksinimit të të moshuarve në sheshin”Skëndërbej”. Mesatarja e të vaksinuarve për një ditë deri më tani, ka qenë rreth 12 mijë persona. Gjithashtu më herët edhe ministri i Turizmit Blendi Klosi, ka bërë të ditur se së shpejti do të vaksinohen edhe stafet e turizmit, për të qenë gati për sezonin turistik.
