Kryeministri i vendit Edi Rama, me anë të një postimi në rrjetet sociale, ka ironizuar kryetarin e Partisë Demokratike, Lulzim Basha. Me një foto të publikuar, ku shihet qeni i shtrirë përballë një dere, ku janë vendosur posterat e Partisë Demokratike, me ironi kryeministri krahas fotos shkruan:”Gjumi është ngjitës”.
Kujtojmë se edhe pak ditë më parë në një nga takimet elektorale, kryeministri i vendit është shprehur se ka një video të kryedemokratit duke fjetur, e cilia sipas tij ishte bërë tek rrethrrotullimi i ish-Sheshit “Shqiponja”.
Por kjo nuk ka qenë e vetmja herë kur Rama e ka sulmuar Bashën për pjesë e “gjumit”. Një tjetër sulm i vazhdueshëm i kreyministrit për kundërshtarin e tij politik ka qenë edhe për gafën e bërë në Parlament, ku u shpreh se “7×7=42”.
Kryedemokrati Basha ka qenë në sulme të vazhdushme nga kundërshtarët politik të cilët shpesh e kanë cilësuar si “gjumash”, në të shumtën e rasteve ai ka zgjedhur që mos të ju kthejë një përgjigje por edhe ato pak herë që ka vendosur të kthejë një përgjigje ka përfunduar duke bërë “gafa”. Një nga më të njohurat dhe që u bë shumë shpejtë virale, ishte në një konferencë për shtyp ku Basha u shpreh se “ata kapen me lapset”, ndërkohë që duhet të thoshte “lapsus” , kjo video e kryedemokratit është shpërndar në rrjetet sociale edhe nga vetë kryeministri Edi Rama në atë kohë.
