Kryeministri, Edi Rama dhe kryedemokrati Lulzim Basha kanë uruar besimtarët katolikë për Ditën e Pashkëve.
Kreu i qeverisë, ka postuar në rrjetet sociale një foto të vezëve me ngjyrë, që janë edhe simboli i Pashkëve dhe në postim ka shkruar:“Gëzuar Pashkët nga Fieri”.
https://www.facebook.com/edirama.al/photos/a.10151850199621523/10158667605306523/
Nga ana tjetër edhe kreu i Partisë Demokratike, Lulzim Basha, ka uruar të gjithë besimtarët katolikë për festën e Pashkëve. Përmes një mesazhi në “Facebook”, Basha thekson se “sot, kur si asnjëherë më parë jemi në udhëkryq, të gjithë së bashku le të gjejmë forcën për të kapërcyer çdo vështirësi me zemrat e mbushura me besim”.
Urimi i kreut të Partisë Demokratike Lulzim Basha
“Nga zemra ju uroj Gëzuar Pashkët të gjithë besimtarëve katolikë.
Kremtimi i Pashkëve shënon triumfin mbi të keqen dhe forcën e jashtëzakonshme të ringjalljes dhe dashurisë. Sot, kur si asnjëherë më parë jemi në udhëkryq, të gjithë së bashku le të gjejmë forcën për të kapërcyer çdo vështirësi me zemrat e mbushura me besim se aspiratat tona do të bëhen realitet.
Prandaj ju motra e vëllezër që po kaloni vështirësi shëndetësore, nëna dhe baballarë që sot jeni në pamundësi ekonomike, të rinj e të reja që mendoni emigrimin, mbushini zemrat tuaja me shpresë se ditë më të mira po vijnë.
Zoti e bekoftë Shqipërinë.
Për shumë vjet gëzuar!”
https://www.facebook.com/lulzimbasha.al/photos/a.181622028555653/4081827491868401/
4 prilli 2021 është dita e Pashkës së Madhe. Sipas Besëlidhjes së Re, është kremtimi i ringjalljes së Krishtit tri ditë pas kryqëzimit të tij. Vezët janë simbol i jetës, ndërsa ngjyra e kuqe simbolizon sakrificën e Jezu Krishtit. Gjatë meshës ku kremtohet ngjallja e Krishtit besimtarët i thyejnë vezët me njëri-tjetrin, si për të treguar fitoren e jetës mbi vdekjen.
