Debati Kosovë- Serbi vazhdon ende të jetë i nxehtë për shkak të taksës që për kryeministrin, Ramush Haradinaj nuk ka më diskutim.
Mesa duket Serbia është duke u ulur disi dhe duke pranuar faktin, pasi ditën e sotme, Presidenti Vuçiç ka thënë se do të presin edhe pak kohë dhe më pas do të ulen dhe do të shohin si do të veprojnë më tutje përsa i përket kësaj çështjeje.
Mirëpo sipas Vuçiç shqetësimi më i madh i tij është papërgjegjshmëria e politikanëve shqiptarë, të cilët sipas tij ende se kanë kuptuar se Serbia po përpiqet të ruaj paqen, megjithatë vlerëson mbështetjen që ka marrë nga partnerët perëndimorë.
“Për mua është problem i madh e që po shndërrohet në ankth, papërgjegjësia e politikanëve shqiptar të cilët nuk kuptojnë se më nuk kemi konflikt të ngrirë, ai është shkrirë, tani vetëm po përpiqemi ta ruajmë paqen dhe të gjejmë një zgjidhje sa më të mirë për të dyja palët. I falënderojë partnerët perëndimorë në përkrahje që kjo të sigurohet”, ka deklaruar Vuçiç.
Presidenti i Serbisë nga ana tjetër tha se është e pakuptimtë të bisedohet për diçka tjetër përveçse taksës me Kosovën.
“Nëse nuk jemi në gjendje të kemi qarkullim të lirshëm të mallit për çfarë të bisedojmë, shumë njerëz në Kosovë nuk e kuptojnë këtë. Aq shumë jam i brengosur për shkak të marrëdhënieve tona të këqija, saqë do të doja të lavdërohem që së paku kam arrit diçka në mënyrë të fshehtë, por për fat të keq jo.
Nuk është sekret kur takohemi te kancelari austriak Sebastian Kurc. Sebastiani mi tregon fotografitë, në Nju Jork Frederica Mogherini po organizon darkë të përbashkët, çfarë unë duhet të bëjë”, ka shtuar Vuçiç.
