Kryeministri Edi Rama ka prezantuar kandidatët për deputetë në qarkun e Beratit, kur ka sulmuar edhe njëherë kundërshtarët e tij në këto zgjedhje.
Fillimisht Rama ka justifikuar retorikën e tij të ashpër duke thënë se nuk ka dalë të shesë çitjane e as të gjej nuse. Duke iu drejtuar simpatizantëve të Bashës, Kryemadhi, Metës e Berishës ai tha që të vendosin fotot e tyre në shtëpi duke i përcaktuar vendin gjithsecilit.
“S’të pëlqej unë, ndërro kanalin. Unë s’kam dalë as të shes çitjane, as të gjej nuse dhe as të bëj kështu…s’dua fare nuk dua. Të pëlqen Luli? Merre në shtëpi, merre dhe Monikën, Salin e Metën. Nuk të vjen në shtëpi? Merre me foto. Monikën vëre në banjo, se është e dhënë pas banjove, i ka fiksim. Saliun tek dhoma e vjehrrës, Lulin tek kalamajtë, kurse Metën lëre në korridor që mos të mendojnë njerëzit se do rrinë për darkë”, ka thënë Rama.
Kryeministri ka thënë më tej me talljet ndaj kundërshtarit duke treguar se i kishin çuar një video ku Basha flinte gjumë në rrugë.
“Ti mund të bësh plane, por jeta është ajo që ndodh është kur ti zbaton planet por të vjen një e papritur. Të vjen një tërmet dhe pandemic dhe bllokon gjithçka. Ja sot isha tek një shkollë që ishte në plan për tu ndërtuar, por e kaluam tek shkollat e prishura nga tërmeti. Sot më çuan një video ku Basha flinte gjumë në rrugë. Flinte gjumë ore, ishte në hyrje të Tiranës. Flihet në drekë se s’ke çfarë bën. Kontrollon gjumin tim thotë, jo more. Ti fle rrugëve. Unë të paktën kur fle jam i qetë se nuk e ngacmon Monika. E zuri gjumi Lulin, s’ka problem. U çmend Ilir Meta? S’ka problem se po lëviz hëna. Berati e shqetëson shumë. Shqipëria fiton gërhitje që t’i dëgjojë zhurma me vite me Bashën. Do fitoj shtatë mandate nga gjashtë që janë gjithsej këtu…s’ka problem”, tha Rama.
