Frika për sulme me bombë në Europë është rikthyer ditën e sotme, pasi një alarm i rremë shkaktoi panik në Holandë. Policia Hollandeze të enjten pasdite tha se një kërcënim për bombë që kishte nxitur mbylljen e ndërtesave parlamentare dhe zonën përreth në Hagë kishte qenë një alarm i rremë. Policia e Hagës menjëherë pas orës 6 të mëngjesit koha lokale (17:00ora qendrore) tha se kishte përfunduar hetimin e saj dhe se asgjë nuk ishte gjetur që të përbënte kërcënim.
Pak më pak se një orë më parë, policia tha se po hetonte vendin për shkak të një kërcënimi me bombë, pa dhënë më tepër detaje të tjera. Oficerët ushtarakë dhe policia raportohet se po ndjekin incidentin në ndërtesën qendrore “Binnenhof”, e cila strehon Zyrën e Kryeministrit, Dhomën e Përfaqësuesve dhe ente të tjera qeveritare.
Gazetarët në Tëitter shkruan se atyre u ishte thënë të largoheshin nga ndërtesat, ku ata kishin qenë duke pritur për një konferencë shtypi në lidhje me rinisjen e bisedimeve për formimin e një qeverie pas zgjedhjeve kombëtare të javës së kaluar, shkruan Reuters.
Ato bisedime u lanë në pritje herët gjatë ditës kur një kryenegociator pa dashje zbuloi një dokument me një informacion me konfidencialitet për linjat e negociatave të palëve kryesore.
