Kreu demokrat, Lulzim Basha, prej ditësh po i shndërron takimet elektorale në mitingje, me dhjetëra simpatizantë me flamuj e buqeta me lule nëpër duar.
Sot lideri opozitar, ka vizituar qytetin e Beratiti në kuadër të fushatës elektorale të 25 Prillit.
Të lajmëruar për vizitën që Basha do kryente sot, qytetarët beratas i kanë bërë liderit të opozitës një pritje madhështore në kufirin që ndan Beratin me Lushnjen. Ata e kanë pritur Bashën me flamuj, buqeta me lule dhe me thirrjet “Rama ik”.
I surprizuar nga kjo pritje, Lulzim Basha ka ndaluar, i ka përshëndetur e falenderuar për këtë pritje madhështore dhe pasi ka qëndruar disa minuta me ta ka vijuar rrugën drejt qytetit të Beratit.
E njejta panoramë vjen dhe nga qytete të tjera, përmendim këtu Shkodrën, Kavajën e Gjirokastrën.
Në Kavajë Basha u detyrua të hipte mbi kufonin e makinës, pasi dhjetëra qytetarë u mblodhën sërish me brohorima e thirrje politike.
Ajo që vihet re, është qëndrimi që ka mbajtur gjatë këtyre ditëve kreu opozitar, Lulzim Basha.
Në të treja rastet e shkeljes së rregullave të pandemisë Basha vetëm i ka përshëndetur qytetarët, duke mos iu bërë thirrje për ndalimin e këtyre grumbullimeve të rrezikshme e të panevojshme në kohë pandemie.
