Para pak ditësh u njoftua se kompania amerikane Pfizer dhe ajo gjermane BioNTech, kanë finalizuar me sukses vaksinën e parë 90% efektive kundër Covid-19 dhe sipas analizave paraprake, kjo vaksinë mund t’i parandalojë mbi 90 për qind të njerëzve nga kontraktimi i virusit.
Por sipas “TheIndependent”, vaksina ruse Sputnik kundër Covid-19 është 92% efektive.
Ky përfundim vjen pas rezultateve të përkohshme që bazohen në të dhënat e marra mes 16,000 pjesëmarrësve gjatë provave klinike.
“Në bazë të të dhënave, vaksina që kemi zhvilluar është shumë efektive,” tha kreu i RDIF Kirill Dmitriev.
Rusia po përgatit vaksinën për përdorim shtëpiak pavarësisht nga fakti se provat në fazën e 3 nuk kanë përfunduar ende. Studimi i fazës së tretë të vaksinës, i zhvilluar nga Instituti Gamaleya, po zhvillohet në 29 klinika në të gjithë Moskën dhe do të përfshijë 40,000 vullnetarë gjithsej.Deri më tani 20,000 janë vaksinuar me dozën e parë dhe mbi 16,000 kanë marrë dozat e para dhe të dyta të vaksinës.
Shanset për tu infektuar me Covid-19 ishin 92 përqind më të ulëta midis njerëzve të vaksinuar me Sputnik V sesa ata që morën placebo, tha RDIF.
Pas njoftimit se vaksina e Pfizer ka treguar rezultate pozitive, Kremlini lëshoi një deklaratë vijuese në të cilën tha se vaksina e zhvilluar nga Rusia ishte po aq efektive.
“Zhvillimi i një vaksine të dytë po aq efektive është një lajm i mirë për të gjithë”, tha Oksana Drapkina, drejtoreshë e një instituti kërkimor pranë ministrisë ruse të shëndetësisë.
Në gusht Rusi u bë vendi i parë në botë që i dha miratimin rregulator kësaj vaksine.Miratimi erdhi para se të kishin përfunduar provat e sigurisë së vaksinës në fazën e tretë./Iconstyle.al/
