KQZ do të përcaktojë zonat ku do të aplikohet teknologjia e identifikimit biometrik të zgjedhësve si dhe numërimit elektronik të votave.
Për këtë, Komisioni i Qendror i Zgjedhjeve i kërkon takim për zgjedhjet e 25 qershorit partive politike. Në një njoftim dërguar selive të partive KQZ kërkon që takimi të zhvillohet nesër
“Duke marrë në konsideratë afrimin e datës së zgjedhjeve dhe rëndësinë që kanë projektet e identifikimit biometrik të zgjedhësve, votimit dhe numërimit elektronik, monitorimi me kamera i qëndrave të votimit dhe votimi nga jashtë i shtetasve shqiptarë që kanë vendbanimin e përhershëm jashtë Shqipërisë, KQZ dëshiron të zhvillojë një takim konsultativ me përfaqësuesit e partive politike në KQZ”.
Partia Socialiste dhe Partia Demokratike bashkohen që votimi dhe numërimi elektronik të ndodhë në qarkun e Korçës, por ndahen tek propozimi i dytë, ku demokratët kërkojnë që të jetë Fieri ndërsa socialistët kërkojnë që të jenë disa njësi në Tiranë.
Fillimisht ishte Partia Demokratike që iu përgjigj kërkesës së Komisionit Qendror të Zgjedhjeve për propozimet për votimin dhe numërimin elektronik për qarkun e Korçës dhe Fierit e më pas socialistët kanë dorëzuar propozimet e tyre në KQZ.
Ndërsa Lëvizja Socialiste për Integrim ende nuk ka dorëzuar propozimet e saj lidhur me dy qarqet ku preferon që në zgjedhjet e ardhshme parlamentare të 25 prillit të bëhet votimi dhe numërimi në mënyrë elektronike.
Në bazë paktit mes forcave politike në vend gjatë reformës zgjedhore u ra dakord që në të paktën 20% të qendrave të votimit në vend, votimi të bëhen në mënyrë elektronike dhe gjithashtu dhe numërimi i votave.
/Gazetareforma.com/
