Pas ngjarjes së rëndë të regjistruar në Bulqizë, ku rreth 90 persona u helmuan, Drejtoria e Ujësjellësit në Dibër ka vendosur bllokimin e tubacioneve të vjetra. Tubacionet, të cilat janë bllokuar furnizonin me ujë një pjesë të lagjes që përfshin zonën e tregut të Bulqizës.
Ndërkohë nga ana tjetër, Instituti i Shëndetit Publik, në analizat e kryera në ujin e pijshëm doli që nuk kishte ndotje bakteriale brenda tij. Hetimet në lidhje me ngjarjen vijojnë, ndërkohë fatmirësisht nuk ka pasur dëmtime serioze në shëndetin e banorëve të prekur. Raportohet se në këtë tubacion ka pasur edhe ndërhyrje në rrjet nga bizneset private.
