Policia Rrugore ka arrestuar gjatë fundjavës 32 drejtues mjetesh, ka pezulluar 180 leje drejtimi dhe ka vendosur 8807 gjoba. Sipas policisë, 23 shoferë ranë në pranga për drejtim mjeti në gjendje të dehur dhe 9 të tjerë për drejtim mjeti pa patentë.
Janë pezulluar 180 leje drejtimi, nga të cilat 139 për shpejtësi mbi normat e lejuara dhe 41 për drejtim mjeti nën efektin e alkoolit. Gjithashtu janë vendosur 3682 masa administrative për shkelje që janë burim për përfshirje në aksidente dhe 5125 masa administrative për parkime të gabuara dhe shkelje të tjera të parashikuara nga Kodi Rrugor, të ndara si më poshtë:
Njoftimi nga Drejtoria e Policisë Rrugore:
“Vijojnë kontrollet e pandërprera në të gjithë vendin, me qëllim parandalimin e aksidenteve rrugore. Gjatë fundjavës: 32 drejtues mjetesh të arrestuar, 180 leje drejtimi të pezulluara dhe 8807 masa administrative. Njësia Operacionale e Drejtorisë së Policisë Rrugore, në bashkëpunim me Komisariatin e Policisë Rrugore në DVP Tiranë dhe me Sektorët e Policisë Rrugore në 11 Drejtoritë Vendore të Policisë, ka intensifikuar kontrollet, duke përdorur mjetet e pauniformuara, kamera të vendosura në automjete, radarë, alkooltestues dhe dronë, në të gjitha akset rrugore kombëtare dhe rrugë të tjera të evidentuara si njolla të zeza për shkak të ngjarjeve rrugore me pasoja të ndodhura më parë.
– 1759 masa administrative për parakalime të gabuara.
– 1199 masa për përdorim të celularit gjatë drejtimit të automjetit.
– 370 masa për shpejtësi mbi normat e lejuara dhe sjellje agresive në rrugë.
– 199 masa për mospërdorimin e rripit të sigurimit.
– 114 masa për mosvendosjen e kaskës mbrojtëse.
– 41 masa për shkelje të semaforit.
– 5125 masa për parkime të gabuara.
