Në përditësimin e fundit të Ministrisë së Shëndetësisë në lidhje me situatën e pandemisë në vend njoftoi për tetë raste të reja në qytetin e Gramshit.
NewsBomb ka mësuar se mes të infektuarve kanë rezultuar pozitivë me koronavirus 3 punonjës policie dhe 2 mësues.Gjithashtu bëhet me dije se janë infektuar edhe dy fëmijët e oficerëve.
Ndërkohë ka filluar edhe hetimi epidemiologjik, duke u testuar të gjithë personat e dyshuar që kanë patur kontakt me personat e konfirmuar pozitiv.
Ministria e Shëndetësisë në përditësimin e përditshëm të raportit të të prekurve dhe viktimave me Covid-19 bëri me dije se gjatë 24 orëve të fundit në vendin tonë janë kryer 852 testime dhe 151 persona janë konfirmuar pozitivë me COVID-19, ndërsa të shëruar rezultojnë 45 qytetarë.
