Një vrasje me armë zjarri ka ndodhur disa minuta më parë në Laknas të Kamzës. Burime bëjnë me dije se shtetasi Maliq Marku ka vrarë Shefqet Hasën dhe ka plagosur Besim Keçën. Policia bën me dije se ngjarja ka ndodhur në në rrugën “Fatos Shupi”, pas një konflikti për motive të dobëta, por të njëjtat burime informojnë se shkak dyshohet të jetë bërë një konflikt prone.
“Shtetasi M. M., rreth 70 vjeç, ka vrarë me armë zjarri shtetasin Sh. H., rreth 55 vjeç, si dhe ka plagosur shtetasin B. K., rreth 50 vjeç”, thuhet në njoftimin e policisë.
Besim Keça ndodhet në spital nën kujdesin e mjekëve, ndërsa autori i dyshuar është arrestuar në flagrancë, si dhe është sekuestruar dhe arma e përdorur gjatë krimit.
