6 dhejtori do të jetë data e protestës së 2 rradhazi të opozitës së bashkuar dhe sot kreu i Partisë së Lirisë Ilir Meta, i pyetur nga gazetarët e ka konfirmuar pjesëmarrjen në protestë. Meta ishte i pranishëm në Varrezat e Dëshmorëve ku kreu homazhe për të rënët në luftë. Kreu i PL deklaroi se dhjetori është për gjithë shqiptarët e ndershëm patriotë dhe liridashës muaji i demokracisë dhe i Europës.
“Nëntori për ne shqiptarët është muaji i pavarësisë, i çlirimit dhe lirisë. Dhe ju e dini që dhjetori po kështu për gjithë shqiptarët e ndershëm patriotë dhe liridashës është muaji i demokracisë dhe i Europës, kështu që pa asnjë diskutim që më 6 dhjetor ne do të jemi të gjithë për të brohoritur se do ta bëjmë Shqipërinë si gjithë Europa, një vend të lirë, ku t’i jepet fund kapjes së shtetit dhe instalimit të mafies në pushtet”, deklaroi Meta.
Meta u pyet edhe lidhur me hetimet ndaj kreut të Grupit Parlamentar të PS, Taulant Ballës.
Meta nuk preferoi të komentonte, ndërsa riktheksoi se dhjetori është muaji i demokracisë dhe Europës dhe protesta më 6 dhjetor do të japë një mesazh të qartë.
Pyetje: Keni një koment lidhur me një vendim të Gjykatës Elbasanit ku dyshohet se është i implikuar Taulant Balla?
Meta: Jemi për të dhënë mesazhet më të rëndësishme. Dhjetori është muaji i demokracisë dhe Europës.
