Tre vëllezër me origjinë nga Dibra dhe banues në Tiranë u arrestuan pak ditë më parë nga policia. Falë operacionit “Brodhers”, tre vëllezërit janë arrestuar, pasi i kishin marrë 50 mijë euro një shtetasi në Tiranë.
Ditën e sotme, Gjykata e Krimeve të Rënda ka dhënë masën “arrest me burg” për tre vëllezërit dibranë.
Vëllezërit Xhekson, Eurgen dhe Alert Tiniti janë arrestuar pasi i kishin vënë gjobë 50 mijë euro një biznesmeni.
Nëpërmjet kërcënimeve të vazhdueshme se do e vrisnin atë dhe familjen e tij, tre vëllezërit dibranë kishin mundur t’i merrnin shumën e madhe shtetasit nga Tirana.
“Vëllezërit në bashkëpunim me njëri-tjetrin, kanë tentuar t’i marrin në formë gjobe një shumë prej 50 mijë euro një shtetasi, nëpërmjet kërcënimeve të vazhdueshme për jetën e tij dhe të familjarëve”,– u shpreh policia.
