COVID-19 vijon përhapjen në qytetin e Elbasanit. Sipas informacioneve mësohet se në 24 orët e fundit janë konfirmuar dhe 5 raste të reja, mes tyre dhe një punonjës i OSSHE-së.Bëhet me dije se pacientët e rinj janë raste kontakti nga personat e infektuar më herët, por ende nuk dihen detaje.
Ndërkohë është shëruar edhe mjeku pediatër Kujtim Ibrahimi dhe bashkëshorjtja e tij, te dy pjesë e spitalit të Elbasanit në repartin e neonatëve.
Deri më tani numri i pacientëve aktivë me koronavirus është 46, ndërsa nga fillimi i pandemisë deri më tani në Elbasan kanë humbur jetën 5 persona.
Kujtojmë se ditën e djeshme janë regjistruar 102 raste të reja dhe 4 viktima, një 43-vjeçar nga Kamza pa sëmundje shoqëruese, i intubuar prej ditësh, ndërkohë 3 të tjerët dy te infektivi dhe një te Sanatoriumi kanë qenë me sëmundje shoqëruese, një 60-vjeçar nga Shkodra, 64-vjeçare nga Durrësi dhe një 61-vjeçar nga Tirana. Kështu ka shkruar në 111 numri total i të vdekurve.
