Dy turistë belgë të bllokuar në kanionin e Gjipesë janë shpëtuar nga Polcia e Vlorës.
Ky rezultat ka ardhur pas 5 orësh kërkime , pasi turistët ndodheshin në një terren shumë të vështirë dhe të rrezikshëm.
Bëhet e ditur se aktualisht ata janë në gjendje të mirë shëndetësore.
“Mbrëmjen e djeshme, shërbimet e Stacionit të Policisë Dhërmi morën njoftim se 2 turistë belg, duke eksploruar kanionin e Gjipesë, Himarë, kishin mbetur të bllokuar për shkak të terrenit të vështirë dhe e kishin të pamundur të dilnin nga kanioni. Menjëherë pas njoftimit, në drejtim të kanionit janë nisur shërbimet e Policisë, së bashku me shërbimet zjarrfikëse. Si rezultat i kërkimeve, u bë i mundur lokalizimi dhe nxjerrja nga kanioni, e 2 turistëve, të cilët janë në gjendje të mirë shëndetësore”, njofton policia.
