Protesta e së shtunës e opozitës padyshim që ka qenë një nga më të përfolurat edhe për trazirat që u shkaktuan në të.
Policia e shtetit për dëmet e shkaktuara dhe nën akuzën për “dhunë ndaj policisë” ka arrestuar 37 protestues, të cilët sot do të njihen edhe me masën e tyre të sigurisë.
Në Gjykatën Penale aty ku do të mbahet edhe seanca të pranishëm kanë qenë jo vetëm familjarët e të arrestuarve, por edhe ish-deputetët e opozitës.
Pretendimet që familjarët dhe ish-deputetët hedhin janë se protestuesit janë arrestuar pa prova, thjesht sepse janë në protestë dhe kanë çuar zëri kundër pakënaqësisë që kanë ndaj kryeministrit Rama.
Krahas të arrestuarve, Policia njoftoi se ka proceduar në gjendje të lirë edhe 23 protestues, mes tyre edhe Gazmend Bardhin.
