Një 36-vjeçar është gjetur pa shenja jete më 17 janar 2025, në një banesë të pabanuar në lagjen 16 të Durrësit.
Sipas informacionit paraprak, nuk janë konstatuar shenja dhune në trupin e tij, dhe dyshohet se ai ka humbur jetën nga një overdozë.
Rreth dy javë para ngjarjes, kushëriri i viktimës kishte denoncuar në polici se F.K. ishte larguar nga banesa dhe nuk ishte kthyer më.
Policia ka nisur hetimet dhe grupi hetimor po punon për zbardhjen e ngjarjes dhe dokumentimin ligjor të rastit.
