Kroos ka barazuar rekordin e Stielike si lojtari gjerman me shumicën e paraqitjeve në Real Madrid. Mesfushori luajti ndeshjen e tij të 308-të për klubin, ku ka fituar 14 trofe.
Toni Kroos filloi ndeshjen kundër Atalanta (0-1) dhe bëri paraqitjen e tij të 308-të për Real Madrid. Duke vepruar kështu, mesfushori barazoi rekordin e Uli Stielike si lojtari gjerman me më shumë paraqitje në historinë e klubit. Kroos u bashkua me Real Madrid në verën e 2014 dhe që atëherë ai është bërë një figurë thelbësore në sukseset e fundit të ekipit.
Në 308 paraqitje zyrtare për Real Madrid, Kroos ka shënuar 21 herë dhe ka fituar tre trofe të Ligës së Kampionëve, katër Kupa Botërore Klubesh, tre Super Kupa Evropiane, 2 tituj kampionati dhe dy Super Kupa Spanjolle.
Futbollisti legjendar gjerman kaloi tetë sezone në Real Madrid (1977-1985) dhe bëri një përshtypje të qëndrueshme në madridistas. Në 308 ndeshjet e tij si lojtar i Real Madrid, ai shënoi 50 gola dhe mori shtatë trofe: 1 Kupë UEFA, 3 tituj kampionati, 2 trofe të Kupës së Mbretit dhe 1 Kupë të Ligës. Ai gjithashtu fitoi një Kampionat Evropian me ekipin kombëtar gjerman në sezonin 1979/80.
Skuadra e Zidane fitoi 0-1 përballë Atalantës mbrëmjen e kaluar, duke hedhur një hap drejt kualifikimi në çerekfinale. Kampionët e Spanjës nuk zhvilluan një ndeshje shumë të mirë në Itali, teksa gjermani nuk stonoi fare.
