Dy shqiptarë janë ndaluar ditën e djeshme nga karabinierët e Sustinentes pasi janë kapur duke kultivuar lëndë narkotike.
Policia italiane ka mundur të zbulojë një kopësht bujqësor, i cili ishte transformuar një serë marijuana me të paktën 3 mijë rrënjë, nga të cilat 457 me farë indiane, gati për tu kultivuar.
Kanë qenë dy qenë Rottweiler që kanë rënë në gjurmë të shqiptarëve pasi kanë nuhatur lëndët narkotike dhe po vinin rrotull banesës.
Ky veprim i tyre i ra në sy njërit prej banorëve të zonës, i cili njoftoi policinë që ndërhyri në banesën e kthyer në serë.
Kështu, në pranga ranë shtetasi me iniciale B.E, 43 vjeç dhe D.L, 39 vjeç, të cilët po ashtu kishin marrë në mënyrë abuzive energjinë nga linja e qendrore energjitike.
Të dy shqiptarët u arrestuan për ‘kultivim të lëndëve narkotike’ dhe ‘vjedhje e rënduar e energjisë elektrike’.
Kujtojmë se në një raport të publikuar në fund të 2019 Ministria e Brendshme italiane informoi se grupet kriminale shqiptare janë ndër më aktivet në vendet e huaja dhe se Shqipëria cilësohet si vend tranzit i heroinës nga Azia Qëndrore dhe Afganistani drejt tregut të Europës Perëndimore.(Lexo këtu)
Më tej, në raport thuhej se përveç trafikut të drogës aktiviteti kriminal shqiptar është përfshirë dhe në aktivitetin e prostitucionit e në krimin ndaj pasurisë si grabitje të dhunshme, kërcënim e zhvatje.
Lexo edhe: Shqiptari kërcënoi komshiun me thikë, por përfundon vetë në spital me trauma
