Dështimi i negociatave me Shqipërinë dhe Maqedoninë e Veriut, ka shkaktuar shumë polemika brenda Bashkimit Europian.
Liderë të rëndësishëm të unionit, kanë reaguar ashpër ndaj vetos së vendosur nga presidenti francez, Emanuel Macron.
Pas kancelares Angela Merkel dhe ministrit të Jashtëm, një tjetër zyrtar i lartë gjerman ka kritikuar vendimin për moshapjen e negociatave.
Bëhet fjalë për ministrin për Ekonominë dhe Energjitikën, Peter Altmaier.
Ai ka shprehur të gjithë zhgënjimin e tij, për dështimin e hapjes së negociatave.
Altamaier është shprehur se ishte në interesin e BE që të hapte negociatat, duke njohur edhe përpjekjet që kanë bërë dy vendet për demokraci dhe stabilitet.
Më tej ministri gjerman ka thënë se bisedimet duhet fillojnë sa më shpejt. Kjo deklaratë e Altmaier vjen para vizitës së tij në Ballkan, ku do të ndalet në Kroaci, Serbi dhe Mal të Zi.
“Jam i zhgënjyer me vendimin e Samitit të BE. Ishte në interesin tonë që të hapin negociatat me Maqedoninë e Veriut dhe Shqipërinë, duke njohur përpjekjet e tyre të mëdha për demokraci dhe stabilitet. Bisedimet e pranimit të dy vendeve duhet të fillojnë sa më shpejt”, tha Altmaier.
